咁第二，我就想起主播自己嘅角度出發啦
好嘅主播係咩呢？係咪性格好啊，形象好啊，個樣好或者唱歌好聽，識跳舞就叫好呢？
目標為本嚟講就係就搵到錢囉
即係你日日咁樣開Live，咁你梗係希望自己有回報㗎嘛
咁有好嘅收入你先可以對自己好啲㗎嘛，係咪？
如果你收入達唔到你預計嘅程度或者係低過行業嘅平均嘅時候
你就會懷疑自己係咪唔夠好
所以我會相信大家覺得自己係咪一個好主播其中一個考量，係會由自己嘅收入出發
如果你嘅收入都唔足以維持到你嘅生活，
其實你唔會諗自己係咪一個好嘅主播
咁當然同好多公司嘅王牌銷售員一樣啦，有業績嘅時候會自我膨脹
可能會有要求，咁但係有陣時主播嘅要求可能係平台嘅員工眼中就係無理、過分
始終大家個觀點角度唔同嘛
咁有啲公司嘅活動部又真係好差嘅
啲衫嘅design，啲shooting時間要求好奇怪，都唔尊重人嘅
有陣時真係係講互相尊重嘅
呢啲我唔會話單純係主播嘅責任
咁亦都有機會係佢哋平台嘅政策啦
做生意梗係想本少利大㗎嘛
所以做自己
有陣時真係唔會討好晒所有人
咁但係都係嗰句啦
主播咁辛苦去開直播，線上線下付出咁多時間
主播落咗播之後都唔能夠隨心所欲咩？
呢個係一個觀點嚟有機會我哋再探討
至於第三個角度呢，就會響觀眾嘅角度出發